ଚାନ୍ଦିପୁରରୁ ଚନ୍ଦନେଶର୍ ଉଡାଯାହାଜ ଉଡା଼ଣ…

ଚାନ୍ଦିପୁର ବିମାନଘାଟୀ ଭିତ୍ର କଥା👇

ଗେଟ୍ ପାଖ୍ର ଘୁଷଣା କଲାବାଲି :-

ଏ କାଡ଼ ଗଲ ସବୁ?

ଏ ଚାଲିଆସତ ଖର୍ ଖର୍, ଏ ଆଉ ଡେରି କରନି, ଗାଡ଼ି ଛାଡ଼ି ଦବ ଚାଲିଆସ!

ଏ ଆଉ ଗାଡ଼ି ନାହିଁ ଚନ୍ଦନେଶର୍ ଯାଇତେ,ନୁରାନି ବି ଚାଲିଗଲାଣି ଏ!

ଏ ଯିଏ ବେଢ଼ା ପାର୍ ହେଇ ଏବାଡ଼କୁ ଆସିବ, ମାରିକି ତା ଟେଙ୍ଗରି ଛୁଟା କରିଦେବେ ଆମ ନୁକ,ମୁଁ ଡାକିମି ଗୁଟେ ଗୁଟେ କରି ସେବେଳକୁ ଧାଡ଼ି ବାନ୍ଧିକି ଜଣ୍କ ପରେ ଜଣେ ଆସିବ,ଚଡ଼କ ମେଳା ରଙ୍କ ଭିଡ଼ କନେ କୁହୁର୍ କୁଟା ଖାଇବ।

ବାହାବଳପୁର ଆଉ ବଳରାମଗଡି଼ରୁ ଯେମାନେ ଆସିଛ ସଭା ପଛ୍ର ଚଢି଼ବ ଗାଡ଼ି,ଏ ସେ ମାଛ ଯେ ଆଣିଚ ତାକୁ ମଥାର ନେଇକି ଯିବନି, ଗେଟ୍ କତ୍ର ଟୁକନ୍ ଥିବ ତାକୁ ଦବ ସେ ରଖିଦବ, ଉହ୍ଲେଇବା ଆଗ୍ରୁ ତାକୁ କହିନେ ସେ ଖୁଲିକି ରଖିଥିବ।

ଉଡାଯାହାଜ ଭିତ୍ର କଥା!

ମୁଁ ମିଲି ଆଉ ମ ସାଥ୍ର ଯିଏ ଅଛି ସିଏ କୁନି, ଆମର କାମ ହେଲା ଭିତରେ ତମ କଥା ବୁଝିବା,ଉଁଛୁକା ଆମର ଉଡାଯାହାଜ ଉଡିବା ସମୟ ହେଇଗଲାଣି,ସିଟ୍ ରେ ବିସିଯାଅ ସମସ୍ତେ ଥିରିକି ,ଦଉଡ଼ି କୁ କସିକି ବାନ୍ଧି ଦବ,ଠିକ ନପାଇନେ ମତେ ନହେନେ କୁନିକୁ ଡାକିବ ସେ ମଥା ଉପ୍ର ନାଇଟ ଜଳେଇ।

ସୁରକ୍ଷା ବିଷୟରେ କହିଦିଏ,ସିଟ୍ ପଛ୍ର ଗୁଟେ କାଗଜ ଅଛି ତାକୁ ବି ପଢିବ।

ଏ ବିମାନର ଦିଟିଆ ଦୁଆର ଆଗ୍ର ଅଛି ଆଉ ଦିଟିଆ ପଛ୍ର,ସିଟ୍ର ବସିଥିବ ଯେଯାଏଁ ଦଉଡ଼ି ଖୁଲିବନି,ହଗ/ମୁତ ନାଗି ଜଣେ ଜଣକା ଯିବ,ପଛ୍ର ଆଉ ଆଗ୍ର ଦିବାଡ଼ ଅଛି ପାଇଖାନା।

 ଆକ୍ ପାକ୍ ହବନି, ସମସ୍ତଙ୍କୁ ହଗିତେ ଆଉ ମୁତିତେ ଦିଆହବ।

 ଦୁଗତା ଆଉ ବିଡି ଟାଣିତେ ଯାହାର ମନ ତାକୁ ଆମର ଦୁଆର ଖୁଲିକି ଠେଲିଦେବା ତଳକୁ, ସାବଧାନ!

 ମଝିର ଯେତେବେଳେ ସମୁଦ୍ର ଉପରେ ଯିବ ହଲିବ ଟିକେ ଯାହାଜ,ହୁରି କରିବନି କେହି, ଆମ ଡାଇଭର୍ ଉସ୍ତାଦ ନୁକ,ବାଲେସରରୁ ଚନ୍ଦନେଶର୍ ଆଗ୍ରୁ ବସ୍ ଚଲେଇ ୪ ଘଣ୍ଟାର ପହଞ୍ଚଉ ଥିଲା।

 ଯଦି ଏମର୍ଜେନ୍ସି ହେଲା ପାଣିର ଉହ୍ଲେଇବା, ଆମର ତ ସବୁ ସମୁଦ୍ର ପାଖ ନୁକ ପହଁରିକି ପଳେଇବ ଘରକୁ, ଆଉ ଯିଏ ସିଖିନ ପହଁରା ସିଏ ପିମ୍ପିଡି଼ ଖୁଜ,ମିଳିନେ ଖାଇଦିଅ ନହେନେ ଯାହା ହବା କଥା ହବ!

 ସ୍ବାଗତ ପାଇଁ ଆଉ ଟିକେ ପରେ କୁନି ସମସ୍ତଙ୍କୁ ଡାବ ଗୁଟେ ଗୁଟେ ଦବ,ପିଇକି ସେଟା ଘର୍କୁ ନେଇଯିବ କାଟିକି ଶସ ଖାଇବ।

 ବେଲା ଆଉ ଭୁଜା ଖୁଲିକି ରଖିଥିବ ମୁଁ ଦେଉଳା ହାଟ ଦମ୍ ନେଇକି ଗନେ ତାକୁ ଗୁଳେଇ ଖାଇବ,ବମ୍ ଦରକାର ହେନେ ମତେ ଡାକ ଛାଡିବ,ଗୁଟେରୁ ଅଧିକା କାହାକୁ ଦିଆ ହବନି।

 ମଝିର କେଠି ଛିଡ଼ା ହବନି ଯାହାଜ, ଯାହାର ଯାହା ଦେଖିତେ ଇଛା ଝରକା ବାଟେ ଦେଖିବ,ଦୁଆର ପାଖ୍ର ଯିଏ ବସିଛ ସିଏ ନାମ୍ପୋ ପହଞ୍ଚିନେ କହିବ,ହେନେ ଖୁଲିବନି ଦୁଆର, ନହେନେ ଯାହାନ ଗନେ ଆମକୁ ଦୁଷ ଦବନି।

 ଚନ୍ଦନେଶର୍ ମନ୍ଦିର ଦେଖା ଗନେ କୁନି ଆସିକି ସମସ୍ତଙ୍କୁ ଭୁଗରେଇ ପାନ ଖଣ୍ଡେ ଖଣ୍ଡ ଦବ,ଖାଇକି ଉହ୍ଲେଇବ।

 ଆକ୍ ପାକ୍ ନହେଇ ଯିଏ ଯାହାର ବୁଜୁଳି ନେଇ ଯିବ,ହଜିନେ ଆମକୁ କହିବନି।

 ଜୟ ବାବା ଚନ୍ଦନେଶର୍ ହୁରି କରି ଓହ୍ଲେଇବା🙏

* ଲେଖା ବ୍ୟଙ୍ଗ ଓ୍ବେବସାଇଟ୍ ପୁରୁଣା ରେଡ଼ିଓରେ ପ୍ରକାଶ କରିଥିବାରୁ ସମ୍ପାଦକଙ୍କୁ ଧନ୍ୟବାଦ।
*ଚିତ୍ର ଟି ପାଇଁ ସ୍ବିଟି ଦାସଙ୍କୁ ଧନ୍ୟବାଦ 🙏